جديدTRUST صار في سلة: اربط متجرك، وتطلع فواتيرك الإلكترونية ويتزامن مخزونك تلقائيًااطلب الربط
الفوترة ونقاط البيع

إدارة المخزون في المحل: جرد أخف، ونقص أقل، وبضاعة راكدة أقل

المخزون فلوس واقفة على الرف. لو زاد جمّد سيولتك، ولو نقص خسّرك بيعة وعميلًا. والفرق بين الرقم في النظام والموجود على الرف يقول لك وين التسرب.

6 دقائق قراءةآخر تحديث: فريق حلول الغد

ابدأ برصيد صحيح

أول خطوة جرد فعلي لكل صنف وإدخاله رصيدًا افتتاحيًا بتكلفة شرائه. أي رقم تخمين هنا يخرّب كل تقرير بعده.

خل البيع والشراء يحرّكون المخزون

كل فاتورة بيع تنقص الكمية، وكل فاتورة شراء تزيدها، والمرتجع يرجّعها. إذا فيه بيع خارج النظام (ورقة أو حساب على الدفتر)، فالمخزون ما يطابق أبدًا.

نقطة إعادة الطلب

لكل صنف رقم إذا نزلت الكمية له تطلب من المورد. احسبه تقريبًا:

  • متوسط بيعك اليومي × (الأيام اللي يأخذها المورد ليوصّل + أيام احتياط بسيطة).
  • مثال: تبيع 12 حبة يوميًا، والمورد يوصّل بعد 4 أيام، وتبي احتياط يومين: 12 × (4 + 2) = 72 حبة.

جرد دوري بدل الجرد السنوي وحده

بدل ما تقفل المحل يومًا كاملًا آخر السنة، اجرد كل أسبوع مجموعة أصناف، وابدأ بالغالية والسريعة. الفرق المتكرر في صنف معيّن يدلّك على المشكلة: سرقة، أو تلف، أو بيع بلا فاتورة، أو خطأ في الاستلام.

الأصناف الراكدة

صنف له رصيد وما انباع منه شيء من شهرين أو ثلاثة: فلوسك واقفة فيه. راجعها كل شهر: عرض، أو نقل لفرع يبيعه، أو وقف طلبه.

في TRUST

المخزون يتحرك مع كل بيع وشراء ومرتجع، ويوصلك تنبيه لما ينزل صنف لحد إعادة الطلب، والجرد يُدخل بمسح الباركود، وتقرير «المنتجات الراكدة» يعطيك قيمة البضاعة الواقفة.

أسئلة شائعة

هل أحتاج باركود لكل صنف؟
يسهّل البيع والجرد كثيرًا. والصنف اللي ما له باركود من المصنع تعطيه باركودًا داخليًا وتطبع له ملصقًا.
المطعم يحتاج مخزون؟
نعم للمواد الخام: وصفة كل صنف تحدد ما يُصرف من المخزون مع كل بيعة، فتعرف تكلفة الطبق الفعلية.
الفوترة ونقاط البيع

جرّب TRUST على شغلك

نقطة بيع وفواتير إلكترونية ومحاسبة ومخزون في نظام واحد. جرّبه 14 يوم مجانًا بلا بطاقة.